2024-jıl 15-18-oktyabr kúnleri Shımbay, Kegeyli, Nókis hám Xojeli rayonlarınıń isbilermenleri ushın “Bir awıl – bir ónim” (OVOP) hám “Kaizen” sıyaqlı yapon isbilermenligi usılları boyınsha trening ótkeriledi. Bul ilajǵa xalıqaralıq ekspert Nargiza Erkinbaeva xanım basshılıq etedi hám 100 qatnasıwshı qatnasadı. OVOP hám “Kaizen” qatnasıqların engiziw jergilikli xalıqtıń, sonıń ishinde, hayal-qızlar hám jaslardıń biznesti basqarıw hám rawajlandırıw boyınsha bilimlerin arttırıwı kútilmekte. Bul usıllar ónimniń sapasın jaqsılaw hám bahasın arttırıw, jergilikli isbilermenlerdiń jáne de ózine tán hám ishki jáne xalıqaralıq bazarda básekige shıdamlı bolıwına járdem beredi, nátiyjede biznestiń rentabelligi artadı.
Treningtiń maqseti – Aralboyı regionınıń ekonomikalıq potencialın bar jergilikli resurslardan paydalanǵan halda ónim islep shıǵarıw arqalı rawajlandırıw boyınsha jeke menshik isbilermenler hám máhállelerdiń háreketlerin birlestiriwden ibarat.
Bul oqıw 2023-jıldıń dekabr ayınan baslap Qaraqalpaqstan Respublikasınıń maqsetli rayonlarında ámelge asırılıp atırǵan BMSh Rawajlanıw baǵdarlamasınıń “Aralboyı regionında klimatqa shıdamlı awıl xojalıǵı arqalı ózin-ózi támiyinlewdi qollap-quwatlaw joybarı” sheńberinde ámelge asırılmaqta.
